6u532b

I felt so many emotions and I have alot of things to say but I don't know how to say them.

It is a movie about accepting faith and living every moment of your life. Every stage in your life is temporary, so live it, feel it and enjoy it. Meet people, listen to them, learn from them, make memories, don't be afraid.......live.

I've been delaying this movie for a long time, but I feel I saw it at the right time. I didn't feel the 3 hours at all, I guess I was just living the moment.

David finsher, you are a genius and any one who doesn't believe that Brad bitt is a great actor I don't know what to tell you.
This is officially one of my favourite films!

Loved it more than goodfellas.

كل عيد وانتوا طيبين وعيد مبارك عليكم جميعا وعلى أسركم إن شاء الله♥️

متفرجتش على افلام انيميشن من زمان، وكانت وحشاني بصراحة والفيلم ده وصلي احاسيس كتير كانت وحشاني، سواء القصة الحلوة او الشخصيات المرسومة حلو جدا.

أفلام الانيميشن عامة قادرة تحرك مشاعرك بربع المجهود اللي أفلام اللايف أكشن محتاجة تبذله عشان توصل نفس المشاعر، وده اللي بيخلي أي محاولة لعمل فيلم لايف أكشن من النسخة الانيميشن محاولة فاشلة وملهاش داعي.

ده غير ان اي قصة عن حد لسا بيكتشف نفسه أو عنده صراع داخلي بين انه يتقبل ذاته أو محاولته لرضى ال اللي حواليه دايما بتأثر فيا.

الفيلم ده أندرريتد لدرجة مش قادر أوصفها، ده أحسن أداء لجوني ديب، وأحسن فيلم لتيم بيرتون.

قصة الفيلم بعيدا عن السيرة الذاتية فهي قصة حلوة جدا وبتناقش قضايا كتير زي: الشغف، وتقبل الذات، والحب، والصداقة، والخوف..... واللي مخلي القصة مختلفة كمان هو إن إد وود فعلا معندوش موهبة لكن مفيش حواليه حد قريب منه يقوله يبني الكار ده مش كارك، هو بس مكمل في الحاجة اللي بيحبها رغم ان كل المؤشرات بتقوله إنك مش نافع في الشغلانة دي. وده اللي مخلي القصة دي مختلفة عن أي قصة كليشيه من بتوع اتبع شغفك والكلام ده.

عحبتني كمان الاسقاطات الكتيرة عن صناعة السينما في هوليوود. كمان الفيلم على مستوى الشخصيات الجانبية فهو قدم من خلالهم رسايل عميقة، وحلوة جدا من خلال علاقات إد بيهم.

في النهاية إد شخص ساذج ومعندوش موهبة في صناعة الأفلام وممكن نقول غريب الأطوار شوية، لكنه في النهاية صعب عليا واتبسطله جدا إنه على الأقل لقى شريكة تحبه فعلا وتتقبله زي ما هو ( طبعا مش قصدي إنه يلبس لبس حريم ده حاجة عادية بس الفكرة نفسها يعني).

أنا بحب الفيلم ده جدا جدا وشايف إنه من الجواهر اللي محدش بيتكلم عنها كفاية.

Watched on Sunday June 1, 2025.

أنا عاشق للأفلام الحربية، وبحب جدا الأفلام اللي بتقدم حاجة جديدة في ال genre دي، سواء في القصة نفسها أو في مشاهد الحرب.

والفيلم قدم الحاجتين، سواء القصة الحلوة والعلاقات بين الشخصيات، أو مشاهد الحرب المبتكرة واللي بالنسبالي كانت أحلى حاجة في الفيلم بجانب التمثيل بالذات المشهد اللي كانوا بيحاولوا فيه يلفوا حولين الدبابة.

براد بيت عمل دور من أحلى الأدوار اللي بحبهاله، وفاكر أول مرة شوفت فيها الفيلم كنت هموت وأحلق الحلقة بتاعته في الفيلم، بس غالبا أبويا كان هيرجعني عالمستشفى مش للحلاق.

العيب الوحيد بالنسبالي هو ان تسلسل النهاية حاسس الواقعية فرطت منهم شوية فيه وحابوا يخلوا الشخصيات أبطال زيادة عن اللزوم بس غير كده هو فيلم حلو جدا.

أول تجربة ليا مع الفيلم كانت أول ما نزل في ٢٠١٩، وكان كل اللي أعرفه عن الفيلم إن آدم ساندلر عامل دور جد فقولت أتفرج، ومكنتش أعرف إن دي هتبقى تجربة من أحلى التجارب السينمائية اللي مريت بيها في حياتي، عشان هي فعلا تجربة مش زي أي فيلم شوفته قبل كده، مكنتش شوفت good time حتى.

انتا بتدخل في حالة نفسية مع الفيلم بتحس انك ماشي مع شخصية هاوارد طول الأحداث، والفيلم عرف يستغل التوتر الطالع من المراهنات بطبيعتها وخلاك قاعد على أعصابك. وطبعا مفيش فيلم في حياتي خلاني أبقا قاعد على طرف الكرسي من أول الفيلم لأخره زي الفيلم ده، فيلم يدرس في ازاي تبني توتر عمال يتصاعد طول الفيلم والتينشن اللي بيتبنى في كل مشهد بتفاصيله حاجة جبارة محدش بيعرف يعملها زي السافديز.

طول الفيلم وأنا بقول ان ده واحد من أحلى الأفلام اللي شوفتها لكن مثلا مكنش هيخش توب ١٠ ولا ٢٠ حتى، لحد آخر نص ساعة من الفيلم اللي حرفيا مقدرتش أرمش ولا أبعد عيني عن الشاشة من التوتر. وبعد مشهد النهاية قولت مستحيييييييل الفيلم ده يخرج من أحسن خمس أفلام شوفتها في حياتي.

من ساعتها وأنا مشوفتش الفيلم تاني وبما إني حاطه في ال four favourites وجه في بالي من كام يوم قولت أعمله ريووتش وكنت مفكر إني طالما عارف النهاية مش هبقى بنفس حماس أول مشاهدة وممكن كانت لحظة انبهار بس، وطبعا كنت غلطاااااان للصبح، الفيلم لسا محتفظ بنفس عناصر الجذب بتاعته من أول مشاهدة وتسلسل النهاية لسا بنفس السحر والصدمة بتاعة اول مرة، وفضلت مبلم نص ساعة مش مصدق اللي حصل، مع المزيكا والأغنية اللي اشتغلت وقفلة الفيلم كنت خلاص وصلت لقمة النشوة السينمائية.

فيلم هنفتكره كمان عشرة عشرين سنة ونقول إن ده بقى من الكلاسيكيات.

Watched on Saturday May 24, 2025.

Watched on Friday May 23, 2025.

I gotta tell ya, It was perfect..perfect, everything Down to the last minute details.

عارف إن هتبان أفورة، بس شوفتها من بدري أوي فعلا🤷

"A civilization can only collapse from within."

ساعات بيبقى فيه أفلام من كتر ما الناس بتتكلم عنها، بيجيلك إحساس زائف أنك عارف الفيلم خلاص وعارف قصته وأحداثه وكل حاجة عنه بالذات لما تبقى النهاية كمان محروقة عليك.

ولكن في اليوم اللي بتقرر إنك تقعد وتشغل الفيلم بتكتشف كم السذاجة اللي كنت بتفكر بيها وإن إزاي كنت حارم نفسك من حاجة من أعظم ما قدمت السينما، بل من أعظم القصص اللي اتقدمت في الحياة عموماً.

مش محتاج أتكلم طبعاً عن الفيلم لإن معنديش حاجة جديدة أضيفها، لكن اللي هقوله هو لو كنت زي حالاتي ومأجل الفيلم ده أو أي فيلم كلاسيك تاني لمجرد إنك عندك فكرة أو عارف القصة أو حتة لو نهايته محروقة عليك، فأنا بأكدلك مليون في المية إنك فعلاً مش عارف حاجة ولازم تشوف الفيلم بنفسك، وتعيش تجربتك انتا مع الفيلم.

“There are places in the world that aren’t made out of stone. There’s something inside... that they can’t get to, that they can’t touch. That’s yours.”

مش عارف ازاي فكرة زي دي يطلع منها بس الفيلم ده! الفكرة جامدة ويطلع منها مشاهد أكشن وكوميديا أفشخ من كده بكتيييييييير.

خسارة والله قصة بالpotential ده تروح في فيلم عبيط زي ده.

حاسس لو كان edgar wright أخرج الفيلم ده كان بقى أحسن فيلم أكشن اتعمل آخر خمس سنين مثلا مش عارف.

فيلم معقد وعمال يستخدم مصطلحات مجعلصة ومحسسك إنك لفتة قاعدة بتتفرج ومنتاش فاهم حاجة.

وأنا طبعا دارس الكلام ده وفاهمه والفيلم عجبني بصراحة.

الفيلم جامد أوي وماثيو ماكوناهاي عمل شوية أفلام في الفترة دي عنب.

الإخراج كان جامد فشخ والمونتاج بتاع الفيلم عالمي، والتمثيل حلو بالذات الواد البضان اللي عامل دور الشرير ده صدقته بصراحة في الأول ودايما سابق ماثيو بخطوة.

الفيلم ذكي وفيه شوية تشغيل دماغ حلوين، بس مشكلتي الوحيدة إن التعقديات دي حاسسها اتحلت في الآخر بسهولة شوية على عكس الأحداث اللي كانت عمالة تتصاعد طول الفيلم.

Watched on Sunday May 11, 2025.

This is the first movie to hit me this hard in a while.
love it,
ired it,
understood it,
moved by it.

and that sequence when they met the girl at the restaurant was just fantastic.

Now that's what a feels good movie looks like.

Moral of the story:
Shit happens, just let your past behind and keep going

هو مينفعش جوز طليان يعملوا محادثة طبيعية زي البني آدمين من غير ما يبضنوا على بعض.

This review may contain spoilers.

"Vanity... definitely my favorite sin."
فيلم مختلف بصراحة مشوفتش حاجة زيه قبل كده. الفيلم بيغوص في طبيعة النفس وان ازاي الشيطان مش بيجبرك على حاجة، هو بس بيمهدلك الطريق للخطيئة وانتا اللي بتختارها بإرادتك،

فكرة اختيار الشيطان للشخص اللي هيحرضه على الخطيئة اتقدمت بشكل ممتاز، بفكرة إنه مش بيختار أي حد، ده بيختار الشخص اللي عنده الدافع انه يعمل الحاجة الغلط سواء كان شخصية كيانو ريفز المغرورة فانه ظهرله في شكل الراجل اللي قابله في الحمام لما قعد يستفزه عشان يعمل الحاجة الغلط، أو مشهد المترو العبقري لما حرض برضه الراجل اللي قابله في المترو على مراته.

كمان فكرة ان الشيطان بيبرأ نفسه منك وبيخليك تدافع عن الخطأ كأنه فكرتك فبينتهي بيك الأمر انك بتعمل الغلط وانتا عارف انه غلط لكن خلاص بيبقا فات الأوان، وده ظهر في المشهد لما الباتشينو قال لكيانو سيبك من القضية وركز مع مراتك دي تعبانة ومش مش مهم القضية وبلا بلا بلا، لكن خلاص كيانو كان غروره عاميه ومش شايف حاجة غير انه يكسب القضية اللي تحت ايده، حتى لو ده هييجي على حساب مراته.

الشهوات، والفلوس، والمنصب وكل الاغرائات اللي الشيطان قدمها لكيانو خلاص عميته وضميره مبقاش موجود. بصراحة الفيلم مليان تفاصيل والحوار حلو جدا وكل جملة وراها معنى.

عجبني أوي الرسمة اللي رسموها لألباتشينو في كونه شيطان هيئته وضحكته الساخرة والجو العام بتاع شركة المحاماة كان حلو جدا ومحسسك ان كيانو في اختبار فعلا، وانتا قاعد مستني تشوف هل هينجح في الاختبار ده ولا لا.

أداء الباتشينو كالعادة خرافة الدور متفصل عليه ومش شبه أي حاجة شوفتهاله. للأسف مقدرش أقول نفس الكلام على باقي الكاست اللي أدائهم كان just okay.

كل ده طبعا في كفة ومشهد النهاية بتاع حوار كيانو والباتشنو مع بعض في كفة تانية خالص.
إجمالاً الفيلم عجبني جداً وعجبتني فكرته جداً جداً.
"Don't get too cocky, my boy. No matter how good you are... don't ever let them see you coming."

By the way شخصية إيلاي أوسخ من دانيال.

الحقيقة مفيش إضافة ممكن تتقال على sinners غير إن انتا لازم تشوفه سينما وتستمتع بالتجربة البصرية والسماعية المبهرة اللي الفيلم قدمها. أكتر حاجة عجبتني كمان في الفيلم بعد الميوزيكلز هي الأداءات التمثيلية الجبارة من الكل، بالذات مايكل بي جوردان اللي عمل أداء جبااااار.
مشكلتي الوحيدة هي إن آخر تلت ساعة حاسسها اتكروتت سيكا، لكن في المجمل الفيلم فعلاً تجربة مختلفة ومليانة شطحات (in a good way).

أنا عاشق للOne take shotوبقدر المخرج اللي بينقل
المشاهد بالطريقة دي مش بس عشانها بتنقلك مشاعر الشخصيات بعمق أكبر، كمان انتا بتبقا في قلب الاحداث حرفيا.

افلام زي Bird man أو 1917 دول اللي في دماغي حاليا
قدروا يقدموا تجربة مختلفة بالone take، كمان اللي
مخلي سلسلة جون ويك بالنسبة لي هي أحسن سلسلة أكشن اتعملت هي تسلسلات الأكشن الطويلة اللي من غير
كتير ومخلية المشاهد واقعية جدا cuts.

أكتر حاجة مبهرة بقا في الفيلم ده هو انه خد موضوع الون تيك ده للييفل تاني خالص وهو ان الفيلم من اوله لاخره ساعتين وشوية من غير ولا cut حرفيا.

تجربة مختلفة وممتعة جدا ولكن بصراحة قصة الفيلم نفسها مش مثيرة للاهتمام اوي بالرغم من ان تجربة الون تيك حسستني اني قاعد مع الشخصيات حرفيا لكن القصة نفسها باردة جدا مفهاش حافر ومنتاش قادر تتعاطف مع الشخصيات في أي حاجة ومش قادر تحدد هما بياخدوا القرارات دي بناء على ايه. من وجهة نظري ده عيب سيناريو لو كان أعمق من كده كان ممكن ياخد الفيلم في حتة تانية.

تعديل: الفيلم ده كان محتاج السافديز يخرجوه من الاخر

لطيف بس اوفرريتد حبة

بعد محاولة مع لوست هايواي ولدوقتي الفيلم ده
اكتشفت ان أفلام ديفيد لينش مش ليا خالص.

فيه فرق بين انك تقدم فيلم فيه رمزيات وأحداث مترابطة بتلنك مع بعضها وبتخلي الفيلم حلقة واحدة مربوطة ومع كل مشهد بتفهم الفيلم أكتر، وبين إنك تعمل فيلم معقد وفيه رمزيات لمجرد التعقيد وتقديم أفكار مبتفدش الفيلم.

فيلم متعب جدا، اول ما تحس انك بدات تفهم، ييجي المشهد اللي وراه يلخبطك وتحس انك معتش فاهم حاجة.

يمكن لو متعبتش نفسي في اني احاول افهم كل حاجة في الفيلم واركز بس على الفكرة الرئيسية اللي فيلم عايز يقولها كنت حبيته اكتر عشان الفكرة الرئيسية واضحة جدا من اول الفيلم.

عالعموم أسلوب حكاية القصص بأسلوب مش مباشر وملان رمزيات معنديش معاه مشكلة وبالعكس بحب أفلام زي افلام
Hereditaryاو Midsommar مثلا سواء Ari Aster

Just for theلكن أسلوب ديفيد لينش ملان رمزيات
sake of it.

I know I will sound like I have mental issues, but I absolutely loved this movie!

النوعية دي من الأفلام لازم يتعمل منها بغزارة أكتر من كدة. الفيلم ده موصلش لمستوى uncut gems
اللي بعتبره واحد من أحلى الأفلام في التاريخ لكن يظل فيلم عظيم.
التوتر
الجري
الزعيق
الدوشة
الحظ السيئ
كله بيتكلم في نفس الوقت
كل دي عناصر مجتمعة في أفلام السافديز وبصراحة أنا بيج فان خلاص ومستني أي حاجة يعملوها.
"And that nigga who fell off the building is gonna give nightmares"

اليابانيين دول أكتر ناس متخلفين شفتهم في حياتي.

فيلم من الأفلام اللي مش واخدة حقها، وميقلش عن goodfellas أو casino
أو أي فيلم مافيا تاني

السيناريو مكتوب كويس جدا وكل شخصية ابعادها مكتوبة صح.
كمان الفيلم فيه أكتر اتنين ممثلين بحبهم مع بعض جوني والباتشينو فحبيت الفيلم حتة زيادة. بس لازم أتكلم عن الباتشينو واقول ان فيه ممثلين بيحبوا ينوعوا ادوارهم يعني مرة ظابط مرة مافيا مرة مدرس مرة رجل اعمال مرة فيلم خيال علمي، لكن الباتشينو هو الوحيد اللي خد دور رجل العصابة ومثله بكل أشكاله سواء رجل العصابة الكاريزما اللي واخد وضعه. أو رجل العصابة اللي جايبها من الصفر. أو رجل العصابة في الفيلم ده اللي ساذج نوعا ما و معندوش مقومات انه يبقا بوس أو ذو منصب في المافيا.
في النهاية الفيلم حبيته جدا وفعلا مش واخد حقه.

*حرق*
ليفتي طبعا صعب عليا جدا بالذات المشهد الاخير وهو بيفضي جيبه من اي حاجة ليها قيمة معاه عشان عارف انه خلاص هيتقتل كنت هعيط خلاص.
لكن القصة الحقيقية هو متقتلش ولا حاجة ومات موتة طبيعية الحمد لله للي يهمه يعني😂.

"كل البشر صالحون إلى أن تُختبر مبادئهم"

فيلم عظيم بيبين قد ايه الناس الحاجة الوحيدة اللي بتحركهم هي مصالحهم الذاتية وبيتعاملوا مع حياة الناس كأنها حشرات ملهاش لازمة بس لمجرد إنه في منصب أو مكان بيطلع منه بمصالح على حساب الناس دي.

والعاقل في النظام ده اللي عنده مبادئ وبيتعامل بالعدل والأخلاق يا إما بيتداس عليه يا إما بيتجنن...

تمثيل عبقري من الباتشينو وحسيت فعلا بالمعاناة الذهنية والنفسية اللي محطوط فيها وانه مضطر يتعامل مع الوحوش اللي معاه في النظام ده.

*حرق*
مشهد النهاية كمان عبقري في إنه تتبع آرثر وإنه خلاص بيوريك إنه عمل فعلا بمبادئه بعيدا عن أي عواقب وإن مش مهم خلاص إيه اللي هيحصل سواء القاضي هتثبت التهمة عليه ولا لا، المهم إنه عمل الصح بس، وإنه حتى لو العالم كله بيعمل الغلط فده مش معناه إنه ينساق وراهم.

They don't make movies like this enough..

الفكرة بتاعة ان فيه تقييم نفسي مستمر لرواد الفضاء دي جامدة وفكرة الفيلم عامة حلوة لكن التنفيذ تعباااان.

كمان السيناريو فاضي مفيش فيه حاجة مميزة وطريقة السرد اللي الفيلم تبناها ان براد بيت يفضل يقولك هو حاسس بايه وايه اللي بيحصل وبتاع كانت فصيلة أوي.

كان ممكن يبقا أحست من كده ولكن يلا أدي كمان ويستد بوتنشل.

"Definition of wasted potential"
This movie had a chance to be one of the best movies of the year, but they wasted this opportunity.
First of all, the story is very interesting and rich. And since I went in knowing nothing about the plot, I was engaged with every scene to know more about the characters and where the story was going. Besides the incredible cinematography and the world class acting from almost everyone in the movie specially Nicolas Holut and Jude Law.

But the script was kinda weak and was riddled with many plot holes. This movie felt like it should be a 2 and a half or a 3 hour movie. I mean it left a lot to be desired, and this reminds me of Black Mass -another film- I kinda felt the same way there.

All in all the movie was good, but i feel disappointed because it could have been a lot better.

القصة حلوة الصراحة وطريقة سردها كانت حلوة،
لكن بعيدا عن التمثيل العبيط من كله ما عدا البطلة فهو فيلم مسلي إلى حد ما.
معرفش بصراحة الألماني بتاع صوفي تاتشر ده بجد ولا ai بس لو بجد فهي جامدة فشخ.

So that's what a David Lynch's movie look like... disturbing, mind blowing and bretty much horrifying.

أبطأ ساعتين عدوا عليا في حياتي

الكوميديا في الفيلم ده جامدة فشخ وحلاوتها إنها غير متوقعة. المشهد بتبقا مستني النكتة من حتة تلاقيها جت بطريقة تانية خالص.

حقيقي فيلم مسلي جدا، مشكلتي الوحيدة معاه هي ان التمثيل كان عبيط حبة باستثناء دور جيسي بليمنز اللي عمل دور فشيخ، تعابير وشه لوحدها بتموت.

It is a good movie, but i don't think it deserves that hype specially in our countries.
and there is something about jessie eisenberg's acting that makes me uncomfortable watching him, so that leaves kerain performance as the only thing i enjoyed in the movie.

الفيلم عظيم
التصوير تحفة والألوان مريحة للعين بتخليك عايش جوة الفيلم. أداء براد بيت لوحده كفيل إنك تشوف الفيلم وانتا مش فاهم حاجة عن البيسبول. ولكن الفيلم ذكي في إنه ركز على جوانب تانية أكتر من جانب اللعبة، وأهمها طبعا الجوانب الشخصية للشخصية اللي بيلعبها براد بيت واللي طلع منها دراما حلوة جدا.

الفيلم بجد عظيم ومكنتش متوقع إني هحبه كده + فيه مشهد لبراد بيت مع جوناه هيل لما كانوا قاعدين في اخر يوم انتقالات بيحاولوا يجيبوا لعيب معين المشهد ده من أحلى المشاهد اللي شوفتها عامة.

This review may contain spoilers.

بالرغم من إن كل شخصية من التلاتة علاقتها توكسيك بالتانية وكلها ريد فلاجز ومؤذية إلا إن كل طرف محتاج حاجة من الطرف التاني.

أرت بالرغم من موهبته الا انه محتاج حد يزود ثقته بنفسه وده اللي كانت تاشي بتدهوله، لكن في التنس بس مش في علاقتهم الرومانسية اللي أرت كان هو الطرف المظلوم فيها، المشهد لما تاشي قابلت باتريك ورجعت لقت أرت نايم مع بنتها في سريرها لوحدها بتقول كتير عن رغبات الاتنين المختلفة من العلاقة، على النحية التانية تاشي أكتر حاجة بتهتم بيها هي التنس وبعد الإصابة شافت في أرت إنها ممكن تحقق رغبتها هي من خلال إنها تكون المدربة بتاعته، وده هو هدفها الأسمى من العلاقة.

وعلى الناحية التالة باتريك مثال للموهبة وحدها لا تكفي، فبالرغم من إنه الأكثر موهبة وثقته بنفسه بتوصل لحد الغرور إلا إنه كان محتاج حد يهذبه
ويخليه ينضبط وده اللي شاف إن تاشي ممكن تحققهوله.

طبعا علاقة الثلاثي أعقد من كده ولكن ده موجز هدف كل شخص فيهم من علاقته بالتاني. يمكن العلاقة الوحيدة الهيلثي هي علاقة باتريك بأرت.

إجمالا الفيلم حلو جدا من حيث الإخراج والتمثيل والمونتاج وطبعا الساوند تراك عظمة.

أحلى حاجة في الفيلم هي السينماتوجرافي والإخراج كانوا على مستوى عالي جدا، يليهم مشاهد الباتشينو وروبن ويليامز بالذات مشهد التحقيق في رأيي أحلي مشهد في الفيلم.
يعيبه بس النهاية المتوقعة حبتين بصراحة.

فيلم مفاجئ بصراحة متوقعتش انه يكون بالجودة دي + بحب الأفلام اللي بتخليك تفكر في سؤال معين والسؤال هنا: هل فعلا التطور التكنولوجي الرهيب اللي وصلناله واللي لسا هنوصله، هل هو في مصلحتنا فعلا؟. التكنولوجي مفيش شك بتخلي الحياة أسهل ولكن على حساب مين؟

كل تكنولوجي بتعمل شغلانة معينة بتقعد ناس في البيت. وبتخلي الحياة أصعب بالنسالهم. مش كل الناس تقدر انها تواكب التطور ده ومش مطلوب منهم كده. ولكن المتضرر الأكبر من التكنولوجيا هما أكيد الفئة دي من الناس. ميكانيكي، نجار، صنايعي، أيا كان فالمهن دي هي أول مهن بتتأثر.

دراما أوفر حبتين😄 بس في الآخر الفيلم حلو جدا والأكشن اللي فيه جامد فشخ. والبطل وهو بيكلم الشريحة اللي جواه فكرني بفينوم وبصراحة الحوار ما بينهم كان ممتع جدا.

أنا عجباني فكرة سمايل جدا، وشايف انها شبه فيلم ات في الجزئية بتاعة الوحش اللي بيتغذى على مخاوف الناس، ولكنها هنا هي صلب الموضوع من خلال ان الفيلم بيناقش أبعاد نفسية كتيرة بيمر بيها معظم الناس من تروما واحساس بالندم والوحدة والخوف وغيرها من المشاعر السلبية اللي بتفضل ورا الشخص ومبيعرفش يتخطاها. الفكرة لمساني جدا وعلقتني بالسلسلة.

الإخراج والتمثيل في الجزء ده أفضل بكتير من الجزء الأول وهما أكتر عنصرين متميزين ومحليين الفيلم جدا. تمثيل البطلة أفضل مية مرة من الجزء الأول وعملت أداء هايل.

أخيرا النهاية بتدل إن صانع السلسلة فاهم كويس هو بيعمل ايه ومش مجرد سلسلة بيحلب منها فلوس وخلاص. لا هو عارف أبعاد العالم وعارف هيتصرف ازاي كويس والا مكنش خد قرار زي ده في نهاية الفيلم اللي مخلياني مش قادر أستنى الجزء التالت.

تاني مشاهدة للفيلم واسترجعت كل حاجة حببتني فيه من أول مرة.

قصة تلمس أي حد، قصة الشخص اللي مش مقدر امكانياته ومش عارف يستغلها عشان مش واثق في نفسه ولا واثق في الناس، رعبه من انه يحاول حتى، وخوفه انه يدخل حد في حياته او يسمح لنفسه يحب حد عشان خايف ان الشخص ده ممكن يسيبه ويرجع وحيد زي ما كان عايش طول عمره.

قصة واقعية وبتناقش سؤال بسيط معظم الشباب معندهم اجابة ليه: What do you want?.

اداء مات ديمون رائع، لكن طبعاً روح الفيلم هو روبن ويليامز بهدوئه وتعابير وشه اللي ملانة حزن وشفقة على ويل وانه شايف نفسه فيه وعايز يساعده يلاقي طريقه. بجد لما كان بيظهر على الشاشة كنت بحس بهدوء أعصاب بسبب أسلوب كلامه والسيناريو الرائع اللي كان العنصر الأفضل في الفيلم واللي مات ديمون وبين افليك استحقوا الأوسكار عليه

انا بحب السينما عشان الأفلام دي والنوع ده من القصص وأقدر أقول ان الفيلم ده من أحلى خمس أفلام أنا اتفرجت عليها عامة.

ارتبط جدا بأحداث وفكرة الفيلم وإن قد ايه التروما اللي ممكن يتعرضلها أي شخص ممكن يفضل محبوس جواها وتفضل معطلاه وبدأت أسقط الموضوع عليا.

ومع أحداث الفيلم قولت انه أكيد رايح في ناحية انها هتتغلب على التروما واحساس الندم بتاعها وخلاص هتتحرر والفيلم هيديني دفعة معنوية ويبقا ريديمبشن أرك كليشيه بس انا كنت تمام معاه لحد مشهد النهاية

.واللي أقدر أقول بكل ثقة ان تم تعزيز التروما بتاعتي بنجاح😀

فيلم بعنوان البيضة الأول ولا الفرخة

This review may contain spoilers.

قصة صعود وهبوط زي ما الكتاب بيقول، الشخص الشجاع الطموح اللي عايز ينجح اللي عنده مبادئ والتزام، كل ده بيروح لما بيوصل للقمة والحجات اللي كان بيتجنبها طول حياته بيقع فيها وبيبقا في النهاية النسخة اللي كان بيحاول يتجنبها طول حياته وموصلش للي هو كان عايزه فعلا في النهاية.
الباتشينو مش ممكن مفيش ابداع كده طريقة كلامه لوحدها وهو بيقول I am Tony Montana تكيفك

بعيدا عن ان الجزء ده زودها فشخ في حوار ان جون ويك قلب سوبر هيرو وبينط من الدور الرابع على وبيقع على عربية وبيقوم عادي. الا ان الابداع في الاكشن اللي في الفيلم رهيب ويظل بيغطي على اي عيب في الفيلم. جون ،ويك وهو بيفشخ العيال بالمنشاكو والمشهد بتاع العربيات والمشهد اللي متصور من فوق ده بالشوت جن كانوا حوااار. لكن كل ده كوم وشخصية كين كوم تاني بجد مش هستغرب لو عملوا ليها سبين اوف.

بس وتظل سلسلة جون ويك هي افضل سلسلة افلام اكشن اتعملت في التاريخ.

هو بجد انتا ممكن تعوز ايه من فيلم أكشن اكتر من كده. فايت سكاكين تلاقي، موتسكلات تلاقي، احصنة تلاقي، رشاشات مبتعديش من الارمور بتاع العدو فترجع تجيب شوت جن عشان تفشخهم بيها تلاقي. اللي هو يا فجرك يا جون ويك والله

Here are some of my favourite films, that don't get enough appreciation despite being masterpieces.

1. Ed Wood
2. Fences
3. The Glass Castle
4. Official Secrets
5. The Impossible
6. What's Eating Gilbert Grape
7. Donnie Brasco
8. His Three Daughters
9. Moneyball
10. Nightmare Alley

...plus 10 more. View the full list on Letterboxd.