أكاذيب الشرف

الفيلم الأعلى تقييم في أشهر تطبيق للأفلام بالوقت الحالي الـletterboxd، واحد من أكثر الأفلام الي بصراحة كنت أدور الزلة عليه لانه محطوط بالقمة كأعلى فيلم ياباني بالتقييمات في مواقع كثير

القصة تدور حول ساموراي فقير يطلب تنفيذ طقوس السبوكو أو الهاراكيري (الانتحـار) في قصر واحد من العوائل الغنية لكن نكتشف ان طلبه له مغزى مختلف

مبدئيا هذا ممكن يكون أفضل فيلم بالتاريخ ناقش موضوع الانظمة الفاسدة الي تتغطى يثوب الشرف والي المظاهر فيه أهم من القِيم يعتزون فيها وما يطبقونها لانهم منافقين بالأساس

الرسالة موجهة للنظام الياباني والي كانت من أحدّ الرسايل الي شفتها بعالم الفن السابع لكن بسهولة نقدر نعتبرها رسالة عامة لكن اشباهها، فيه بعض الفئات يعتبرون العادات والتقاليد في مستوى الدين اذا مهب أكثر والي مبنية أغلبها على المظاهر وحتى القيم الي فيها شكلية وما تتطبق على أرض الواقع اليوم بس بعضها موجودة لأجندات وتخدم أصحابها، نعم بعض العادات تحترم لكن مهب شرط كلها لكن الي يحاولون يتكسبون من هالمظاهر هم من ادى العقليات 

مستوى جمال السرد وكيف القصة كانت تمشي بنظام سلس بهالطريقة اعتبره شيء ثوري ومو بس في وقته ألا بكل الأوقات، درس بكيف تكتب قصة وكيف تبيّن معانيها وكيف تحولها لعمل سينمائي لائق لهاذي الدرجة

من الأفلام الي ما تشوبها شائبة ومن أكمل وأفضل ما رأيت 
تقييمي هو : 10/10 

أنا حزين جدا ان اليابان تركت ارثها السينمائي التاريخي وتوجهت بشكل كبير لشيء ما أقدر اسميه فن، عبارة عن كراتين وسموها الانمي وصارت هي واجهة اليابان اليوم !